NEZAKET KERİMOVA AHMEDOVA'nın haberi:

LƏNKƏRANIN İGİD ŞƏHRİYARI ANILDI….
                      
                                 

     Bu günlərdə şəhid anası Təranə xanımın dəvətilə Lənkərandakı Mədəniyyət Mərkəzində oldum. Burada “Şəhidlər bizim qürur yerimuz, fəxrimizdir” layihəsinin Vətən müharibəsi şəhidi Şəhriyar Vidadi oglu Həbibinin xatirəsinə həsr olunmuş tədbir keçirildi. Tədbirdə çoxlu sayda şəhid ailələri, qazilər, Lənkəran şəhər İH- nin məsul işçiləri, əlaqədar təşkilatların nümayəndələri, Osaküçə kənd məktəbinin müəllim və şagirdləri, dəvət olunmuş qonaqlar, şəhidin ailə üzvləri iştirak edirdilər. Foyedə şəhid Şəhriyar Həbibiyə həsr olunmuş eksponatlar nümayiş etdirilirdi..
    Tədbir Müstəqil Azərbaycanımızın memarı və qurucusu olan H.Əliyevin və müstəqilliyimiz, azadlığımız, ərazi bütövlüyümüz uğrunda şəhid olanların xatirəsinə bir dəqiqəlik sükütla başladı, sonra Dövlət Himnimiz səsləndi..
Tədbirin aparıcısı Cəfər Fətullayev sözü layihənin rəhbəri, H.Əliyev Mərkəzinin direktoru Reyhanə Sadıqovaya verdi. O, qısa və şərəfli ömür yaşayan, Vətən müharibəsi şəhidi Şəhriyar haqqında danışd.Aparıcı Cəfər Fətullayev  Vətəndən- Vətənə həsrət qalan böyük ustad Məhəmməd Hüseyin Şəhriyarı yada saldı:

Heydər baba, yalan dünyadır,                 
Süleymandan, Nuhdan qalan dünyadır,
Oğul, doğub dərdə salan dünyadlr.
Hər kimsəyə nə veribsə alıbdlr,
Əflatundan bir quru ad qalıbdlr.

     Ustad Şəhriyardan böyük bir söz xəzinəsi qaldı, qəhrəman Şəhriyardan isə düşməndən azad olunmuş Vətən torpağı!
Senari müəllifi Cəfər Fətullayevin dostu operator
Tural Əliyevlə birgə, fədakar şəhid anası Təranə xanımın xatirələri əsasında Şəhriyar Həbibi haqqında sənədli film hazırladıqlarını və onun burada təqdim ediləcəyini bildirdi. Film nümayiş olundu. Filmdə ananın kövrək xatirələri, qəhrəmanımıza dərs deyən müəlllimlərin, oxuduğu Osaküçə məktəbinin direktorunun, döyüş dostlarının, qazi və qohumllarının xoş xatirələri kadrlardan- kadrlara keçdikcə, tədbir iştirakçılarında kövrək hisslər yaradırdı. Şəhriyarın döyüş yolu, şəhidlik zirvəsinə ucaldığı anlar, dəfn olunması yad edildikcə şəhid analarının hıçqırıqları zalı bürümüşdü..
      Lənkəran şəhər İH başçısının Humanitar məsələlər üzrə müavini Ülviyyə Əliyeva rayonun şəhid ailələri ilə, qazilərlə, şəhidlərin xatirələrinin əbədiləşdirilməsi sahəsində gördükləri əməli işlərdən danışaraq, onlara səbr dilədi, tədbirin təşkilatçılarına minnətdarlığını bildirdi.

  Azərbaycan Yazıçılar Birliyinin Lənkəran zona birliyinin sədri, şəhidlərə həsr olunmuş “Payızın 44 anı” kitabının müəllifi Qafar Cəfərli, yazıçı -alım, şəhid Şəhriyar barədə də kitabında ana ilə müsahibəsini əks etdirən Jalə xanım Cəfərova, şəhidin ali təhsil aldığı BDU- nun humanitar məsələlər və gənclər siyasəti şöbəsinin müdiri Ramin Səmədov, BDU- nun fizika fakultəsinin professoru Tərlan Hüseynov, həmin fakultənin Astrofizika kafedraslnın dosenti Zahir Səmədov və şöbə mütəxəssisi Ələkbər Hüseynov Şəhriyar haqqında, onun nümunəvi, ədəbli, tərbiyəli, savadlı bir tələbə olduğundan söhbət açdılar.
     Rayonda işlədiyi kollektivin də hörmət və nüfuzunu qazandığından danışıldı.Vətənpərvərliyini şübut edən Şəhriyar hamının dərin sevgisini qazanmışdı!           
    Onun istər dəfnində, istər anım və doğum günləri         mərasimlərində BDU – nun müəllim və tələbə heyəti ilə, rayon təşkilatlarının hamılıqla iştirak etmələrinin şahidi olmuşuq! Bu günkü tədbirdə də qonşu rayonların nümayəndələrindən başqa Bakıdan da gələn çoxsaylı nümayəndələrin olması bir daha şəhidlərimizə olan sevginin bariz göstəricisidir!! Şair Qulaməli Hüseynovun şəhid Şəhriyara həsr etdiyi şeri bədii- qiraətçi Təhminə Əliyeva söylədi.
    “Milli Mədəniyyətin Təbliği”İB – nin sədri Jalə Cəfərova Şəhriyarın şəkli olan suveniri anaya təqdim etdi. “Vətən uğrunda” qəzetin baş redaktoru Rövşən Əhmədlinin də çıxışı Şəhriyarın döyüş yolundan oldu.
      Eyni zamanda Şəhriyara həsr olunmuş mahnının təqdimatı oldu. (sözləri Reyhanə xanıma, musiqisi ABİ- nin bölgə üzrə Lənkəran şöbəsinin məsul katibi, bəstəkar Zəminə Tariyelqızına məxsus) Mahnını Aygün Hüseynova oxudu. Qeyd etdiyim kimi video- klipin müəllifi operator Tural Əliyevdir.

                
Sonra söz Dünya Azərbaycanlılarının Mədəniyyət Mərkəzinin Şura sədri, “Tərəqqi” medallı, “İlin müəllimi”, “Qızıl Ürək” ordenli yazar- publisist Nəzakət Əhmədovaya verildi. O, ilk növbədə təşkilatın prezidenti, dünya şöhrətli yazııçı Çingiz Abdullayevin və l – ci virse prezidenti Ruhiyyə Poladovanın salamını, ürək sözlərini iştirakçılara və Təranə anaya çatdırdı. O, çıxışında şəhidlərimizə rəhmət, qazilərimizə can sağlığı, analara səbr dilədi! Tədbirin təşkilatçılarına minnətdarlığını bildirdi. Sonda xatirə şəkiləri çəkildi, şəhidin məzarı ziyarət olundu.
Şəhidlər ölməz, Vətən bölünməz!