Xoş gördük dəyərli dostlar, Əzizlər.

Bildiyiniz kimi, 2024- cü ildə keçirilən parlament seçkilərində  Sumqayit şəhəri, 42 saylı 1-ci seçki dairəsindən namizədliyimi irəli sürmüşdüm və seçkidə qalib gəlmişdim.  Lakin seçki saxtalaşdirildi , səslərim oğurlandi və rəqibim Hicran Hüseynovani millet vəkili teyin etdilər.

Bundan sonra DSK- ya, oradan MSK- ya, oradan Sumqayit Apelyasiya Məhkəməsinə seçkilərin saxtalaştirilmasi ilə bagli onlarla faktlarla, sübutlarla şikayət ərizələri ilə müraciət etdim. Bu qurumlar seçkilərin saxtalaşdirildiğini, əlimdə olan çox sayli aktlar, vidiolar, şəkillər, sübutlar olmasina baxmayaraq mənim əleyhimə qərar çixartdilar. Belə olacağini bilirdim. Azərbaycanda millət vəkili seçilmir, təyin olunur. Bunu hamimiz bilirik. O üzdən bunlari soyuqqanli qarşiladim. Və hər üç qurumdan şikayət ərizələrimi alarkən, onlara bu sözləri söylədim.

Sizə Hicran yaraşir, Siz də Hicrana yaraşirsınız!

Bu məsaj çox- çox dərindir, içində çox dərin sosial- siyasi mətləblər yatir. Anlayana!

Bilirəm ki, indiki Azərbaycan Yasəmən Qaraqoyunlunun Azərbaycani deyil, Hicran Hüseynovanın Azərbaycanıdir. Zaman Hicranın, Hicran kimilərin  zamanidir.

Lakin əlbəttə ki, dayanmaram. Öz Azərbaycanımı, öz zamanımı yaratmaq üçün təbii ki, yola davam edirik.

Apelyasiya məhkəməsinin qərarindan sonra işi Avropa Məhkəməsinə verməliydim. Avropa Məhkəməsi 3- 4 ilə isə baxacaqdi və əğər xeyrimə qərar çixaracaqdısa, Azərbaycan hökümətini seçkiləri saxtalaşdirdıgi üçün cərimələyəcəkdi.

Çox düşündüm. 
Çox tərəddüdlər yaşadim və sonucda qərar qəbul etdim.
Avropa Məhkəməsinə şikayət etməyəcəm.
Öz ölkəmdəki saxtakarliqlara, öz dövlətimdəki yalanlara, haqsizliqlara görə Avropaya şikayət etməyəcəm, Avropadan mədət ummayacam.

Nə qədər haqli oluramsa olum, Avropanin əlinə ölkəmi, dövlətimi ittiham edən faktlar, sənədlər təqdim etməyəcəm.
Bu mənim davama, xarakterimə ziddir. Ölkəmi Avropanın qarşisinda kiçik düşurmərəm, onun əlinə fakt vermərəm.

Mən Avropadan Haqq umacaq adam deyiləm.

Mənim üçün Avropa ilə Rusiyanın heç bir fərqi yoxdur. İkisi də imperialist, işğalçıdir. 
Ömrümü Rus müstəmləkəçiliyinə qarşi mübarizə ilə keçirdim, Rus müstəmləkəçiliyindən qaçib AvroAtlantik müstəmləkəçilərin qucağina düşə bilmərəm( Üçünçü dünya ölkələrinin aydınlarının taleyi bu olmuşdur. Rusiyaya qarşi mübarizə aparanlar Avropaya, İngiltərə və Fransa, Amerika müstəmləkəçiliyinə qarşi mübarizə aparanlar da Rusiyaya sığinmişlar. Bəşər Əsəd və Zelenski də bu günlərdə bu taleyi yaşayir)
Son illərimi Şərq- Qərb mövzularinda araştirmalara sərf etdim. ( Bu yaxinlarda bu mövzuda makalem yayınlanacaq). Oryantalizmi öyrəndim. Batının müstəmləkəçilik tarixi, Rusiya və İngiltərə arasinda XVIII əsrdən  formalaşaraq bu gün də davam edən Böyük Oyun siyasətini, İngiltərə ilə Fransa arasindaki Orta dogudaki müstəmləkəçilik, işğalçilq rəqabətlərini bilirəm. Bu günkü taleyimiz, dünyamız bu siyasətlər nəticəsində formalaşmışdır. Avropa və Rusiya bu savaşlarda dövlətlərimizi yenmişlər, cografiyalarimizi parçalamışlar, lakin ruhumuzu yenə bilməmişlər. Bu gün mən  AvroAtlantik sistemin  necə işlədiyini bilirəm, sistemi çox dərindən tanidiğimi iddia edirəm.
AvroAtlantik sistemin yeni yayilmaçiliq ideolojisi və silahi olan  demokrasi-avtokrasi oyunlarina inanmiram, qatilmiram, iştirak etmirəm. Avtokrasi-demokrasi savaşlari Liviyani, Suriyanı, İraqı, Ukraynanı darmadağin etdi. 
Amerikanin, Sorosun 3- cu dunya ölkələrini demokratikləşdirmək adi ilə  həyata kecirdiyi qizil gül inqilablari iflas etdi. AvroAtlantik sistemin İnsan haqlari quramalarina qəti şəkildə inanmiram və onlari Yer üzunde insan haqlarini ən çox pozan , tapdalayan bir güc hesab edirəm.

AvroAtlantik sistemin də, Rusiyanin da tarixi qan və müstəmləkəçilik tarixidir.

Mənim siyasətdəki şüarım budur.  Nə Rusiya, nə AvroAtlantik sistem- Türk Birliyi,Türk Birləşik Dövləti!

Həm AvroAtlantik sistem həm də Rusiya tarix boyu Türk Millətinin düşmənləri olmuşlar. Türk coğrafiyalarini işgal etmişlər, bölmüşlər, parçalamışlar.

Düşməndən mədət ummaram!

Düşməndən para almaram! 
Qlobal İnteqrasiya və Dialoq Mərkəzinin sədriyəm, heç vaxt Avropalilardan qrant almadım, almaram da!

Mənim mədəniyyətim və dünyam (Şərq)Avropa və Rusiyaya meydan oxuyacaq gücdədir, onlardan haqq, mədət umacaq durumda deyil. 
Yanlışmiyam, doğrumuyam bilmirəm, lakin vicdanimla baş başa qaldigimda, başa düşürəm ki, vicdanımdan keçən sivilizasiya dəyərləri (Şərq ruhu) Rusiya və Avropaya(ABD-AB) qarşıdır.

(Dəyişməz bir sosial qanun vardır. Sivilizasiyanın sərhədləri insanlarin vicdanından, ruhundan keçər)

Düşmənlər və rəqiblər qarşisinda Vətənimə, Dövlətimə  zərrə qədər  toz qondurmadim. 
Əzizlər. Təkcə indi Azərbaycanda təbliğ olunduğu kimi İ.Əliyev höküməti dövlət deyil ki, dövlət həm də  iki oğlu ilə birlikdə Qarabağda ermənilərlə vuruşub şəhid olan atadir, 20 min şəhiddir, Valide anadir,  ac- yalavac günə salınmiş xalqdir, sənsən, mənəm!

Azərbaycan Türk millətinin dövlətidir. Türk Dövlətindəki əskiklərdən, haqsızliqlardan  Bati institutlarina, məhkəmələrinə şikayət etməyi şəxsimə yaraşdirmadım.

Öz ölkəmizi öz əməyimizlə, sevgimizlə  dəyişdirəcəyik.

Vəkilim Hafiz Hacıyevə dərindən təşəkkürlərimi bildirirəm. Hafiz Hacıyev kimi dürüst, peşəkar hüquqşünasın  vəkilim olmasi ilə qürur duyuram. Ömrümün sonuna qədər də bu belə olacaq.  Əziyyətlərini, haqqini halal etsin.

Yasəmən Qaraqoyunlu.